9 oktyabr 1958-ci ildə Goranboy rayonunun Qızılhacılı kəndində anadan olmuşdur. 1973-cü ildə burada səkkizinci sinfi bitirib, təhsilini Dəliməmmədli şəhərindəki 102 saylı texniki-peşə məktəbində davam etdirmişdir. 1976-ci ildə hərbi xidmətə çağırılmışdır. 1992-ci ildə Goranboy rayonunda yaradılmış ikinci batalyonun tərkibinə yazılır. İlk sınaq döyüşü Ağdərə bölgəsində olur. 4 may 1992-ci il…Goranboy rayonunun Tap-Qaraqoyunlu kəndini mühafizə edən böyük Talış kəndində yerləşən ermənilərin mövqelərini susdurmaq üçün “Yaltaxıl” adlı əməliyyat planı hazırlamışdı. Əməliyyat uğurla başa çatdırıldı. Ertəsi gün ermənilərin qəfil hücumu nəticəsində döyüşçülərimiz geri çəkildilər bu zaman Yunis döyüş meydanında qəhrəmancasına şəhid olur. 43 gündən sonra, Talış kəndi azad edildiyi zaman Yunis Əliyevin cəsədi tapıldı.
Ailəli idi.İki övladı var.
Azərbaycan Respublikası prezidentinin 7 iyun 1992-ci il tarixli 833 saylı fərmanı ilə ƏliyevYunis Əsgər oğluna ölümündən sonra “Azərbaycanın Milli Qəhrəmanı” adına layiq görülmüşdür.
Yunis Əliyev 16 iyun 1992-ci ildə doğma kəndində-Qızılhacılıda dəfn edilmişdir.
Qızılhacılı kənd 3 saylı uşaq bağçası onun adını daşıyır. Goranboy rayonunda büstü qoyulmuşdur.
ALLAH RƏHMƏT ELƏSİN
